Тропарь, глас 4
Тоpжеству́ет Це́pковь пеpвоpо́дных,/ и свесели́тся пpие́мля ма́теpь о ча́дех веселя́щуюся,/ я́же я́ко му́дpости тезоимени́тая/ тpо́йственным богосло́вским добpоде́телем pавночи́сленныя поpоди́./ Ты́я с му́дpыми де́вами зpит уневе́стившияся Жениху́ Бо́гу Сло́ву,/ с не́ю и мы духо́вне в па́мяти их свесели́мся, глаго́люще:/ Тpо́ицы побо́pницы,/ Ве́pо, Любве́ и Наде́ждо,// в ве́pе, любви́ и наде́жде утвеpжда́йте нас.
Кондак, глас 1
Софи́и честны́я свяще́ннейшия ве́тви,/ Ве́ра и Наде́жда и Любо́вь, показа́вшеся,/ му́дрость обуи́ша е́ллинскую благода́тию,/ и пострада́вше, и победоно́сицы яви́вшеся,// венце́м нетле́нным от всех Влады́ки Христа́ увязо́шася.
Молитва
О, святы́я и достохва́льныя му́ченицы Ве́ро, Наде́ждо и Любы́ и до́блестных дще́рей му́драя ма́ти Софи́е! К вам ны́не со усе́рдною моли́твою притека́ем. Что бо па́че возмо́жет предста́тельствовати за ны пред Го́сподем, а́ще не ве́ра, наде́жда и любы́, три сия́ доброде́тели пребыва́ющия, во и́хже о́браз нарече́нныя, са́мою ве́щию о́ныя яви́сте? Умоли́те у́бо Го́спода, да в ско́рбех и напа́стех неизрече́нною благода́тию Свое́ю покры́ет ны, и сохрани́т, и Того́ сла́ву, я́ко со́лнце незаходи́мое, зре́ти да сподо́бит. Споспешеству́йте нам во смире́нных моле́ниих на́ших, да прости́т Госпо́дь Бог грехи́ и беззако́ния на́ша, и да поми́лует нас, гре́шных, и щедро́т Свои́х да сподо́бит нас Христо́с Бог, Ему́же сла́ву возсыла́ем, со Безнача́льным Его́ Отце́м, и Пресвяты́м и Благи́м и Животворя́щим Его́ Ду́хом, ны́не и при́сно, и во ве́ки веко́в. Ами́нь.
Краткое житие
День памяти 17/30 сентября
Пострадали во II веке при императоре Адриане. Юные христианки поразили всех стойкостью в исповедании веры. Сестер мучили на глазах у матери, однако святая София призывала дочерей быть твердыми.
Святым мученицам молятся о преуспеянии в главных христианских добродетелях — вере, надежде и любви, а также об укреплении в вере, о сохранении подростков от искушений мира и маловерия, о христианской любви между родителями и детьми.
Святые мученицы Вера, Надежда, Любовь и София молите Бога о нас!
(3)